கோடையில் வானிலை வெப்பமாகவும் ஈரப்பதமாகவும் இருக்கும் போது பொடுகு தொல்லை வருவது இயல்பானது. சிலருக்கு பொடுகு எப்போதும் தலையில் இருக்கும் என்றாலும் கோடையில் இவை அதிகரிக்க செய்துவிடும். கோடைக்காலங்களில் பொடுகு வர என்ன காரணம் என்பதை பார்த்தோம். அதை தவிர்க்கும் வழிமுறைகள் என்னென்ன என்பதை இந்த பதிவில் தெரிந்துகொள்வோம்.
கோடையில் ஏன் பொடுகு அதிகரிக்கிறது?
உச்சந்தலையில் வழியும் பொடுகு ஆண்டு முழுக்க இருக்கும் என்றாலும் கோடையில் அதிகமாக இருக்கும். மாசு, வெப்பமான காலநிலை, வியர்வை என ஒவ்வொன்றையும் விரிவுபடுத்த செய்யும்.
அதிகமான வெப்பநிலை காற்று மாசுக்களை உண்டாக்கி முடிகளை பலவீனப்படுத்தும் மயிர்க்கால்களில் தேங்கும் அழுக்குகள் பொடுகை உண்டாக்கிவிட செய்யும். அதிகப்படியான வெப்பம் கூந்தலில் படும் போது அது முடி மற்றும் உச்சந்தலை இரண்டையும் சேதப்படுத்துகிறது. இது பொடுகு வெடிப்பை உண்டாக்குகிறது. இதை எப்படி எதிர்கொள்வது என்பதை பார்க்கலாம்.
பொடுகை தடுக்க உச்சந்தலை வெப்பத்தை கட்டுப்படுத்துவது நல்லது :
பொடுகுக்கு காரணம் வெப்பம் அதிகமாக படுவது என்பதால் கூந்தல் வெப்பத்தை எதிர்கொள்ள கூந்தலை அழுக்கில்லாமல் வாரம் இரண்டு முறை தலை குளியல் மேற்கொள்ள வேண்டும்.
வெளியில் செல்லும் போது கூந்தல் நேரடியாக சூரியக் கதிர்களால் பாதிப்புக்கு ஆளாகாமல் இருக்க கூந்தலை தொப்பி, துணி அணிந்து செல்வது நல்லது.
வாரம் ஒரு முறையாவது உச்சந்தலையை குளிர்விக்க ஆலோவேரா ஜெல் அதாவது கற்றாழையை உச்சந்தலையில் தடவி குளுமையாக வைத்திருப்பதன் முலம் பொடுகு வராமல் தவிர்க்கலாம்.
பொடுகு குறைய வியர்வையை கட்டுப்படுத்துவது நல்லது :
சருமத்தில் படியும் வியர்வை போன்றே உச்சந்தலையில் படியும் வியர்வையும் பொடுகுக்கு காரணமாகிறது. அதிகப்படியான வியர்வையால் கூந்தல் பிசுபிசுப்பாகி அழுக்குகள் மயிர்க்கால்களில் ஒட்டி பொடுகை அதிகரிக்க செய்யும்.
வியர்வையால் நீர்ச்சத்து குறையக்கூடும் என்பதால் அதிகப்படியாக நீரை குடியுங்கள். ஆண்கள் முடியை ட்ரிம் செய்வதன் மூலம் வியர்வையை தடுக்கலாம். பொடுகையும் தடுக்கலாம். வியர்வையால் பிசுபிசுப்பும் பொடுகும் உடன் நமைச்சலும் இருக்கும். இவர்கள் ஆப்பிள் சீடர் வினிகரை உச்சந்தலையில் தடவி மசாஜ் செய்வதன் மூலம் பொடுகை கட்டுப்படுத்த செய்யலாம்.
பொடுகு போக கூந்தலை சுத்தமாக வைத்திருப்பது அவசியம் :
கூந்தலில் மாசு எப்போதும் படியும் என்றாலும் கோடைக்காலங்களில் அதிகமாக படியக்கூடும்.இதனால் உச்சந்தலையில் ஆக்ஸிஜனேற்றம் அழுத்தத்தை உண்டாக்கி பொடுகையும் முடி உதிர்தலையும் ஊக்குவிக்கும்.
வெளியில் இருப்பவர்கள் வாரத்தில் முன்று நாட்களாவது கூந்தலை அலசி எடுப்பது நல்லது. கூந்தலை சுத்தம் செய்கிறேன் என்று அதிகப்படியான கெமிக்கல் பொருள்களை பயன்படுத்தவும் வேண்டாம். இது கூந்தலுக்கு பாதிப்பை உண்டாக்க செய்யும். இயன்றவரை இயற்கை பொருள்களை பயன்படுத்தி வெற்றுநீரில் விரல்களால் சொரிந்து குளித்தாலே அழுக்குகள் வெளியேறும். கூந்தல் சுத்தமாகும். பொடுகு நீங்கும்.
பொடுகை போக்க தினசரி செய்ய வேண்டியவை என்ன?
அன்றாட பழக்க வழக்கங்களிலும் அதிக கவனம் செலுத்தினால் பொடுகு எளிதாக நிர்வகிக்கலாம். மோசமான உணவு பழக்கங்கள் பொடுகு வளர்ச்சியை ஊக்குவிக்க செய்யும். அதனால் சமச்சீரான ஆரோக்கியமான உணவை திட்டமிடுங்கள். இயன்றளவு திரவ ஆகாரங்கள் நல்லது செய்யும். இது உச்சந்தலை பூஞ்சை தொற்றை தடுக்கும் தன்மை கொண்டது.
உச்சந்தலையில் ஒட்டியிருக்கும் பொடுகு வெளியேற்ற தினசரி ஐந்து நிமிடங்கள் மசாஜ் செய்வது நல்லது. விரல்களில் எண்ணெய் தொட்டு உச்சந்தலையில் சொரிந்தபடி மசாஜ் செய்வது பொடுகை விரட்டுவதில் முக்கியமாக உதவக்கூடும்.
வெறும் ஷாம்புக்களை மட்டும் பயன்படுத்தாமல் கூந்தலுக்கு ஏற்ற கண்டிஷனரிங் செய்யவும் மறக்க வேண்டாம். இது கூந்தலை வறட்சியில்லாமல் ஈரப்பதத்திலிருந்து காப்பாற்றும்.
பொடுகை கட்டுப்படுத்த வீட்டு வைத்தியங்கள் உதவுமா?
பொடுகை கட்டுப்படுத்த வீட்டு வைத்தியங்களை பார்த்திருக்கிறோம். கோடைக்காலத்தில் சரியான கை வைத்தியத்தை தொடர்ந்து செய்தால் நிச்சயம் பொடுகு வராமல் அல்லது அதிகரிக்காமல் தடுக்க முடியும்.
தலைக்குளியலுக்கு முன்பு தயிர் மற்றூம் எலுமிச்சைசாறு சேர்த்து நன்றாக கலந்து கூந்தலுக்கு பயன்படுத்துவதன் மூலம் பொடுகை போக்கலாம். வாரம் இரண்டு முறை செய்தால் அதிசயத்தக்க வகையில் பொடுகு முற்றிலும் நீங்கும்.
உச்சந்தலை உஷ்ணம் குறைய தலைகுளியலுக்கு முன்பு எண்ணெய் மசாஜ் செய்யலாம். எண்ணெயை இலேசாக சூடு செய்து உச்சந்தலையில் மசாஜ் செய்வதன் மூலம் பொடுகு போக்கலாம்.
கூந்தலுக்கு பயன்படுத்தும் சீப்பு அழுக்கில்லாமல் இருக்க வேண்டும். கூந்தலை எப்போதும் சிக்கில்லாமல் வைத்திருங்கள்.
உடலையும் நீரிழப்பு ஏற்படாத வகையில் போதுமான நீரை குடிப்பதை உறுதி செய்யுங்கள். பெண்கள் மட்டுமல்ல ஆண்களும் இதை செய்ய வேண்டும். இப்படி தவறாமல் செய்து வந்தாலே பொடுகு இல்லாமல் செய்யலாம்.
