உடல் பருமன் அல்லது அதிக எடை கொண்டிருக்கும் போது வேகமான எடை இழப்பு முயற்சியை மிக கடினமாக பின்பற்றுவார்கள். ஆனாலும் எதிர்பார்த்த பலன் கிடைக்காது. உங்கள் எடை இழப்பு பயணத்தில் பருவகாலங்களின் தாக்கமும் முக்கியம். அந்த வகையில் கோடைக்காலம் எடை இழப்பை எப்படி ஊக்குவிக்கிறது. அதற்கான காரணங்கள் என்ன. எடை இழப்பு முயற்சிகளில் நீங்கள் செய்ய வேண்டியது என்ன என்பதை இந்த கட்டுரையில் தெரிந்துகொள்வோம்.
வெப்பமான கோடைகாலங்களில் பசியின்மை என்பது பொதுவானது. கோடையில் சூரிய ஒளியின் தாக்கத்தால் செரோடோனின் அளவை அதிகரிப்பதன் மூலம் எடை குறைக்கலாம். இந்த செரோடோனின் அளவுகள் அதிகரிப்பது சிலருக்கு பசியின் தேவையை குறைக்கிறது. இது குறித்த ஆய்வு ஒன்றில் 2013 ஆம் ஆண்டு ஆய்வில் வெப்பமான சூழலில் வேலை செய்தவர்கள், குளிர்ச்சியான அமைப்பில் உடற்பயிற்சி செய்தவர்களை காட்டிலும் உணவை குறைவாகவே எடுத்துகொண்டனர். கோடையில் ஏற்படும் வெப்பம் அதனோடு கடினமான உடற்பயிற்சியை எடை இழப்புக்காக மேற்கொண்ட பிறகு சாப்பிடுவதற்கான விருப்பத்தை குறைக்கலாம். உடல் பருமனால் எடை குறைப்பில் ஈடுபடும் போது உணவுப்பசியை அடக்க முடியாதவர்களுக்கு இது மிகவும் பலனளிக்கும்.
ற்ற பருவங்களை விட கோடையில் அதிகமாக தண்ணீர் குடிக்கிறோம். இந்த அதிசயமான பானம் எடை இழப்புக்கு ஏற்ற நண்பன். உணவுக்கு முன்பு தண்ணீர் குடிப்பது எடை குறைய உதவும் என்று ஆய்வுகள் தெரிவிக்கின்றன. வழக்கத்தை காட்டிலும் கோடையில் தாகம் அதிகம் இருக்கும். இது நிறைவான திருப்தி உணர்வை ஏற்படுத்துகிறது. அதிகமாக தண்ணீர் குடிப்பது எடை இழப்பை உண்டு செய்கிறது. இந்த கோடையில் தாகம் எடுக்கும் போதெல்லாம் தண்ணீரை தேர்ந்தெடுக்கலாம்.
பழத்துண்டுகள், புதினா இலைகள், எலுமிச்சை, சீரகம் போன்றவை சேர்த்த சுவையான நீருக்கு மாறலாம். இது தண்ணீரின் ஊட்டச்சத்து மதிப்பை அதிகரிக்கும். கோடையில் எடை இழப்புக்கு முயற்சிக்கும் போது இனிப்பு சேர்த்த பானத்தை தவிருங்கள். அது எடையை அதிகரிக்க செய்துவிடும்.
கோடைக்கால உணவுகளில் காரம், எண்ணெய், வறுத்த பொருள்களை தவிர்க்கவே செய்வோம். அப்போது பருவகால பழங்கள், கொழுப்பை எரிக்கும் பானங்கள், வெள்ளரி, முலாம்பழம், தர்பூசணி, மோர், இளநீர் போன்றவற்றை அதிகம் சேர்ப்போம். காய்கறிகளிலும் நீர்ச்சத்து மிக்க பூசணிக்காய், புடலங்காய், பீர்க்கங்காய் வகைகளையே விரும்புவோம். இவை எல்லாமே குறைந்த கார்ப் கொண்டவை. எடை குறைக்க முயற்சிக்கும் போது தட்டில் சுமார் 50% குறைந்த கலோரி இருக்க வேண்டும் என்று சொல்லப்படும் நிலையில் இந்த காய்கறிகளும் பழங்களும் கோடையில் அதை ஈடு செய்துவிடும். இதனால் எடை இழப்பும் உடன் ஆரோக்கியமான நீரேற்றமும் கூட கிடைத்துவிடும்.கோடைக்கால உணவுகளில் காரம், எண்ணெய், வறுத்த பொருள்களை தவிர்க்கவே செய்வோம். அப்போது பருவகால பழங்கள், கொழுப்பை எரிக்கும் பானங்கள், வெள்ளரி, முலாம்பழம், தர்பூசணி, மோர், இளநீர் போன்றவற்றை அதிகம் சேர்ப்போம். காய்கறிகளிலும் நீர்ச்சத்து மிக்க பூசணிக்காய், புடலங்காய், பீர்க்கங்காய் வகைகளையே விரும்புவோம். இவை எல்லாமே குறைந்த கார்ப் கொண்டவை. எடை குறைக்க முயற்சிக்கும் போது தட்டில் சுமார் 50% குறைந்த கலோரி இருக்க வேண்டும் என்று சொல்லப்படும் நிலையில் இந்த காய்கறிகளும் பழங்களும் கோடையில் அதை ஈடு செய்துவிடும். இதனால் எடை இழப்பும் உடன் ஆரோக்கியமான நீரேற்றமும் கூட கிடைத்துவிடும்.
குளிர்பருவத்தில் உடற்பயிற்சி செய்வதை மனம் விரும்பாது. பெரும்பாலும் உடல் உழைப்பில்லாமல் சோர்ந்திருக்கவே விரும்புவோம். ஆனால் கோடையில் உடற்பயிற்சி செய்வது எளிதானது. அதிகாலை பயிற்சி, நீச்சல் பயிற்சி போன்றவை இதமாக இருக்கும். உடற்பயிற்சி செய்வது பிடித்தமானதாக இருக்கும்.
உணவில் கவனம் செலுத்துங்கள். பழங்கள், காய்கறிகள், தானியங்கள் போன்றவை உணவில் பெரும்பான்மையாக இருக்கட்டும். உணவை ரசித்து பொறுமையாக சாப்பிடுங்கள்.
தினசரி போதுமான அளவு தண்ணீர் எடுத்துகொள்ளுங்கள். உணவுக்கு முன்பு தண்ணீர் குடிப்பது உணவின் அளவை குறைக்க செய்யும்.
மன அழுத்தம் இல்லாமல் இருப்பது எடை இழப்பை தூண்ட உதவும். யோகா, தியானம் போன்ற பயிற்சிகள் எப்போதும் மன அழுத்தம் இல்லாமல் வைத்திருக்க செய்யும். போதுமான நேரம் தூக்கம் அவசியம்.
காஃபி, டீ, கார்பனேட்டட் பானங்கள், ஐஸ்க்ரீம், இனிப்புகள், செயற்கை இனிப்பு பானங்கள் போன்றவற்றை கண்டிப்பாக தவிருங்கள். படுக்கைக்கு செல்வதற்கு 3 மணி நேரம் முன்பே உணவை முடித்துவிடுங்கள்.
கோடை எடை குறைப்புக்கு ஏற்ற மாதம் தான் ஆனால் அதற்காக தீவிரமாக இருந்து உடல் ஆரோக்கியத்தை கெடுத்துகொள்ள வேண்டாம். ஊட்டச்சத்து நிபுணரின் ஆலோசனையுடன் பின்பற்றுவது பாதுகாப்பானது.
