அட்லீ இயக்கத்தில் ஷாருக்கான், நயன்தார , விஜய் சேதுபதி, பிரியாமணி மற்றும் பல நட்சத்திர பட்டாளங்கள் நடிக்க உருவான திரைப்படம் ஜவான். பாலிவூட்டில் அட்லீக்கு இது முதல் படமென்பதால் பட ரீலிசுக்கு முன்பே பெரும் எதிர்ப்பார்ப்பை ஏற்படுத்தியது. 300 கோடி பட்ஜெட்டில் உருவான இந்தப் படம் உலகம் முழுவதும் திரையரங்குகளில் வெளியாகி ரூ.1,138 கோடி வசூல் செய்ததாக தகவல் வெளியானது. சூப்பர் டூப்பர் ஹிட் ஆன ஜவான் படத்தை பிரபல ஓடிடி தளமான நெட்பிளிக்ஸ் ரூ.250 கோடிக்கு வாங்கியதாக கூறப்படுகிறது.
தெலுங்கு திரையுலகின் ரெபல் ஸ்டார் பிரபாஸ் , பிருத்திவிராஜ், ஸ்ரீ ரெட்டி, ஸ்ருதிஹாசன் நடிப்பில் 2023-ம் ஆண்டு வெளியான சலார் பார்ட் 1 திரைப்படம் பெரும் வரவேற்பை பெற்றது. இந்த படம் வெளியாவதற்கு முன்பே பிரபல ஓடிடி தளமான நெட்பிளிக்ஸ் நிறுவனம் ரூ.162 கோடிக்கு இந்த படத்தை வாங்கியதாக கூறப்பட்டது. மேலும் சலார் திரைப்படம் வெளியாகி 600 கோடிக்கு மேல் வசூல் செய்ததாம்.
நெல்சன் இயக்கத்தில் சூப்பர் ஸ்டார் ரஜினிகாந்த் நடிப்பில் 2023 ஆம் ஆண்டு வெளியான ஆக்ஷன் திரைப்படம் ஜெயிலர். இந்த படம் வெளியாகி உலகம் முழுவதும் மாஸ் ஹிட் அடித்தது. ‘ஜெயிலர்’ படத்தை பிரபல ஓடிடி தளமான அமேசான் பிரைம் வீடியோ ரூ.100 கோடிக்கு வாங்கியதாம். மேலும், ஜெயிலர் படம் திரையரங்குகளில் ரூ. 600 கோடிக்கும் மேல் வசூல் வேட்டை நடத்தியதாக கூறப்பட்டது.
ரன்வீர் சிங், ஆலியா பட் நடிப்பில் வெளியான திரைப்படம் ராக்கி அவர் ராணி கி பிரேம் கஹானி. பஞ்சாபி ராக்கி மற்றும் பெங்காலி பத்திரிகையாளர் ராணி இருவரை சுற்றி நடக்கும் இந்த காதல் கதை மக்கள் மத்தியில் நல்ல வரவேற்பை பெற்றது. இந்த படத்தை பிரபல ஓடிடி நிறுவனமான நெட்பிளிக்ஸ் ரூ.60-70 கோடிக்கு வாங்கியதாக கூறப்படுகிறது.
பாலிவுட் ஸ்டார் ஷாருக்கான் மற்றும் தீபிகா படுகோன் நடிப்பில் 2023 ஆம் ஆண்டு வெளியான திரைப்படம் ‘பதான்’. ஆக்ஷன் கட்சிகளுடன் பட்டையை கிளப்பிய இந்த படம் மக்கள் மத்தியில் பிளாக்பஸ்டர் ஹிட் அடித்தது. இந்த படத்தை அமேசான் பிரைம் வீடியோ ரூ.100 கோடிக்கு வாங்கியதாம்.
நடிகர் யாஷ் நடிப்பில் வெளியான கேஜிஎஃப் 2 திரைப்படம் மக்கள் மத்தியில் வெறித்தனமான ஹிட் அடித்தது, இந்த படத்தின் முதல் பாகமும் சூப்பர் ஹிட் அடித்தது குறிப்பிடத்தக்கது. கேஜிஎஃப் 2 தியேட்டர்கள் மூலம் ரூ.1200 கோடிக்கு மேல் வசூல் செய்ததாக கூறப்பட்ட நிலையில், இந்த படம் அமேசான் பிரைம் வீடியோ ஓடிடி நிறுவனத்திற்கு ரூ.320 கோடிக்கு விற்பனை செய்யப்பட்டதாம்.
பாலிவுட் ஸ்டார் நடிகர் அக்ஷய் குமார் மற்றும் கியார அத்வானி நடிப்பில் உருவான படம் ‘லட்சுமி’ இந்த படத்தை ராகவா லாரன்ஸ் இயக்கினார். இந்த படத்தை ஹாட் ஸ்டார் ஓடிடி தளம் ரூ.125 கோடிக்கு வாங்கியதாம். OTT மூலம் நல்ல வசூல் செய்தாலும், பாக்ஸ் ஆபிஸில் இந்த படம் தோல்வியடைந்தது குறிப்பிடத்தக்கது.
அபிஷேக் இயக்கிய ‘புஜ்: தி ப்ரைட் ஆஃப் இந்தியா’ படத்தில் அஜய் தேவ்கன் IAF ஸ்க்ராட்ரான் தலைவராக நடித்தார். படம் 2021 ஆம் ஆண்டு வெளியானது. இந்த படம் ரூ.110 கோடிக்கு ஹாட் ஸ்டார் ஓடிடி தளத்திற்கு விற்கப்பட்டதாம்.
1991ல் வெளியான ‘சடக்’ படத்தின் தொடர்ச்சியாக ‘சடக் 2’ படம் வெளியானது . இதில் ஆதித்யா ராய் கபூர் மற்றும் ஆலியா பட் ஆகியோர் நடிப்பில் இந்த படம் உருவானது. இந்த படத்தை மகேஷ் பட் இயக்கினார். சடக் 2 படம் ரூ.70 – 100 கோடிக்கு ஹாட் ஸ்டாருக்கு விற்கப்பட்டுள்ளதாக தகவல் வெளியாகியுள்ளது.
லோகேஷ் கனகராஜ் இயக்கத்தில் விஜய், திரிஷா , சஞ்சய் தத் நடிப்பில் உருவான திரைப்படம் லியோ. இந்த படம் வெளியாகி மாஸ் ஹிட் அடித்த நிலையில், நெட்ஃபிக்ஸ் ஓடிடி தளம் இந்த படத்தை ரூ.120 கோடிக்கு வாங்கியதாம். உலகெங்கும் தியேட்டரில் வெளியான இந்த படம் ரூ.650 கோடிக்கு மேல் வசூல் செய்தாக செய்திகள் வெளியானது குறிப்பிடத்தக்கது.
