கர்ப்பகாலத்தில் நீரிழப்பு இல்லாமல் பார்த்துகொள்ள அறிவுறுத்துவதுண்டு. காரணம் நீரிழப்பு அம்னோடிக் திரவ அளவை குறைக்க செய்யும். இதனால் குழந்தையின் வளர்ச்சி பாதிக்கலாம். இது முன்கூட்டிய பிரசவத்துக்கு வழிவகுக்கும் என்றும் சிலர் நம்புகின்றனர். மேலும் நீரிழப்பு கர்ப்பத்துக்கு பிறகு தாய்ப்பால் காலத்தில் தாய்ப்பால் உற்பத்தியை பாதிக்கலாம். கர்ப்பகாலத்தில் நீரேற்றமாக இருப்பது கரு வளர்ச்சியில் முக்கிய பங்கு வகிக்கிறது. இது குறித்து இன்னும் விரிவாக பார்க்கலாம்.
கர்ப்பகாலத்தில் நீரேற்றம் ஏன் முக்கியம் என்று தெரியுமா?
உடலில் 60% நீர்ச்சத்து உள்ளது. இது உடலில் ஒவ்வொரு உடல் செயல்பாடுகளிலும் முக்கிய பங்கு வகிக்கிறது. நீர் உடலில் ஊட்டச்சத்து உறிஞ்சுதல் மற்றும் கழிவுகள் வெளியேற்றுதல், செரிமானம் மற்றும் உடல் வெப்பநிலை ஒழுங்கு முறை போன்றவற்றுக்கு முக்கியம். அதே போன்று வயிற்றில் வளரும் கருவுக்கும் தண்ணீர் தேவை. நஞ்சுக்கொடியின் முக்கிய பகுதி நீர். இது வளரும் குழந்தைக்கு ஊட்டச்சத்துக்களை வழங்குகிறது. கர்ப்பகாலம் முழுவதும் குழந்தையை மெத்தென்று வைக்கும் அம்னோடிக் திரவத்துக்கு நீர் தேவை.
உடல் திரவங்களை வேகமாக இழக்கும் போது நீரிழப்பு உண்டாகிறது. இது உடலின் இயல்பான செயல்பாடுகளை கடினமாக்குகிறது. மலச்சிக்கல் மற்றும் வீக்கத்தால் ஏற்படும் அசெளகரியத்துக்கு வழிவகுக்கும். கர்ப்பகாலத்தில் போதுமான அளவு திரவம் எடுத்துகொள்வது குறைந்த அம்னோடிக் திரவத்துக்கு வழிவகுக்கும். இது பிறப்பு குறைபாடு சிக்கல்களுக்கு வழிவகுக்கும்.
கர்ப்பிணிக்கு நீரிழப்பு ஏற்படுவதால் உண்டாகும் பக்கவிளைவுகள் :
நீரிழப்பு என்பது உடல் நீர் மற்றும் மற்ற திரவங்கள் எடுத்துகொண்டாலும் வேகமாக இழக்கும் நிலை. இதனால் உடல் செயல்பாடுகள் செய்வதற்கு கடினமாக இருக்கலாம். அப்போது இழந்த திரவத்தை ஈடு செய்யவில்லை எனில் அவை மோசமான நீரிழப்பை உண்டு செய்யும். கர்ப்பகாலத்தில் இது கவலைக்குரியது. வயிற்றில் வளரும் குழந்தைக்கு அம்னோடிக் சாக்கிலும் நஞ்சுக்கொடி வழியாக ஊட்டச்சத்துக்களை அனுப்பவும் நீர்ச்சத்து மிகவும் அவசியம்.
நரம்பு குழாய் குறைபாடுகள்
குறைந்த அம்னோடிக் திரவம்
முன்கூட்டிய பிரசவம்
மோசமான தாய்ப்பால் உற்பத்தி
பிறப்பு குறைபாடுகள் ஏற்படலாம்.
கர்ப்பிணிக்கு நீரிழப்பு ஏன் உண்டாகிறது?
காலை நோய் இருக்கும் போது நீர் குறைப்பு ஏற்படும் அபாயம் அதிகம். வாந்தியெடுத்தல் திரவங்கள் மற்றும் எலக்ட்ரோலைட்டுகளின் பற்றாக்குறைக்கு மேலும் வழிவகுக்கும். வயிற்று அமிலத்தை இழக்க நேரிடும்.
கர்ப்பம் முன்னேறும் போது அதிக வெப்பமடைவது ஒரு பிரச்சனையாக இருக்கும். இது நீரிழப்புக்கு மற்றொரு காரணமாக இருக்கலாம். இவை தவிர
வெப்பமான வானிலை
தீவிரமான உடற்பயிற்சி
தீவிர வயிற்றுப்போக்கு
வாந்தி
வயிற்றுப்போக்கு
காய்ச்சல்
அதிக வியர்வை
போதுமான தண்ணீர் குடிக்காதது
கர்ப்பகாலத்தில் நீரிழப்பு இருக்கும் போது அறிகுறிகள் எப்படி இருக்கும்?
வாய் வறட்சியாக இருப்பது
அடர்ந்த மஞ்சள் நிற சிறுநீர்
சோர்வு
தலைச்சுற்றல்
தலைவலி போன்றவை இருக்கலாம்.
சிறுநீர் அளவு குறைவது
வேகமான இதயத்துடிப்பு
மலச்சிக்கல்
தசைப்பிடிப்பு கூட நீரிழப்பு அறிகுறிகளாக இருக்கும்.
கர்ப்பிணி நீரிழப்பை தடுக்க என்ன செய்ய வேண்டும்?
போதுமான அளவு திரவம் உட்கொள்ள வேண்டும். கர்ப்பகால நீரிழப்பு உண்டு செய்யும் காரணங்களை புரிந்து கொள்வதன் மூலம் முன்னெச்சரிக்கை நடவடிக்கைகள் எடுக்கலாம்.
நாள் ஒன்றுக்கு குறைந்தது எட்டு கிளாஸ் முதல் 12 டம்ளர் வரை தண்ணீர் குடிக்க வேண்டும். தண்ணீருடன் திரவ ஆகாரங்கள் பால், இளநீர், பழச்சாறு (நீரீழிவு இருப்பவர்கள் முன்னெச்சரிக்கையுடன் எடுத்துகொள்ள வேண்டும்) சூப் போன்றவற்றை குடிக்கலாம்.
நீரிழிப்பு ஏற்படுவதை தவிர்க்க மற்றொரு வழி நீர் நிறைந்த உணவுகள். தர்பூசணி, வெள்ளரி, செலரி பழங்கள் மற்றும் காய்கறிகள் என நீரேற்றம் கொண்டவற்றை தேர்ந்தெடுத்து சாப்பிட வேண்டும். இது உடலில் திரவ நிலையை பராமரிக்க உதவும். நீரிழப்பை தடுக்க செய்யும்.
தளர்வான ஆடைகள் அணிவது வியர்வையை உறிஞ்சும் ஆடை வகைகளை தேர்வு செய்வது உடல் வெப்பநிலையை கட்டுப்படுத்த செய்யும். இதன் மூலம் கர்ப்பிணிகள் நீரிழப்பு ஏற்படாமல் தடுக்க முடியும்.
