தற்போது கோடை காலம் துவங்கியுள்ளது. சூரியன் சுட்டெரிக்கிறது என்பது அனைவருக்கும் தெரியும். இந்த நேரத்தில் அதிகமாக வியர்ப்பது இயல்பானது. குறிப்பாக வெளியே சென்றவுடன் உடைகள் அனைத்தும் வியர்வையால் நனைந்துவிடுகிறது. இதற்குக் காரணம் நம் உடலில் உள்ள சத்துக்களை இழப்பதுதான். ஆனால் இதை சமன் செய்ய பலர் கோடையில் தர்பூசணி சாப்பிடுகிறார்கள்.
ஏனெனில் இந்த பழம் கோடை வெயிலின் வெப்பத்தில் இருந்து நம் உடலை குளிர்ச்சியாக வைத்திருக்கும். மேலும் இதில் 92% தண்ணீர் உள்ளது. அதனால் நம் உடலுக்கு அதிக நீர்ச்சத்தை அளிக்கிறது. இதனால் கோடை காலம் வரும்போது இப்பழத்துக்கு கிராக்கி அதிகம்.
தர்பூசணி பழத்தில் லைகோபீன், ஆக்ஸிஜனேற்ற கூறுகள், வைட்டமின் ஏ, வைட்டமின் சி, பொட்டாசியம் மற்றும் அமினோ அமிலங்கள் அதிகம் உள்ளன. மேலும் இந்த பழம் உடல் எடையை குறைக்க முயற்சிப்பவர்களுக்கு மிகவும் பயனுள்ளதாக இருக்கும். இதில் கலோரிகள் மிகக் குறைவு என்பதால், இந்தப் பழத்தை உட்கொள்வதால், நம் வயிறு நீண்ட நேரம் நிறைந்திருக்கும்.
இத்தனை சிறப்புகளும் நிறைந்த தர்பூசணி பழத்தை சிலர் சாப்பிட்டாலும், சிலர் ஜூஸாக அருந்துவார்கள். புதிய தர்பூசணியில் சிட்ருலின் என்ற அத்தியாவசிய அமினோ அமிலம் உள்ளது. இந்த சிட்ருலின் நைட்ரிக் ஆக்சைடை உற்பத்தி செய்கிறது. இதன் விளைவாக, இரத்த அழுத்தம் கட்டுப்படுத்தப்படுகிறது. தர்பூசணியில் கலோரிகள் குறைவாக இருப்பதால், தர்பூசணி உடலில் உள்ள சர்க்கரையின் அளவைக் கட்டுப்படுத்துகிறது. டயட் இருப்பவர்களுக்கும் தர்பூசணி மிகவும் நல்லது என்கின்றனர் நிபுணர்கள்.
ஆனால் சிலர் தர்பூசணியை குளிர்சாதன பெட்டியில் வைத்து சாப்பிடுவார்கள். ஆனால் அவ்வாறு செய்வதால் ஊட்டச்சத்து மதிப்பு குறையும் என்று நிபுணர்கள் எச்சரிக்கின்றனர். பொதுவாக, சிலர் சந்தையில் இருந்து பழங்களை வாங்கி வீட்டிற்கு கொண்டு வந்த பிறகு குளிர்சாதன பெட்டியில் வைப்பார்கள். ஆனால் பழங்களை வெட்டி ஃப்ரிட்ஜில் வைக்கும் பழக்கம் இருந்தால் அதை இன்றே தவிர்த்துவிடுங்கள். குறிப்பாக தர்பூசணி பழத்தை ஃப்ரிட்ஜில் வைக்க வேண்டாம்.
வெயிலில் இருந்து வரும் தர்பூசணி குளிர்சாதன பெட்டியில் சாப்பிட மிகவும் குளிர்ச்சியாகவும் சுவையாகவும் இருக்கும். ஆனால் வெட்டிய தர்பூசணி பழத்தை ஃப்ரிட்ஜில் வைத்தால் விஷமாக மாறவும் வாய்ப்பு உள்ளது. பொதுவாக வெட்டப்பட்ட தர்பூசணியில் பாக்டீரியாக்கள் வளர ஆரம்பிக்கும். இது ஆரோக்கியத்திற்கு மிகவும் தீங்கு விளைவிக்கும்.
மேலும், நீங்கள் முழுமையான ஊட்டச்சத்தை பெற விரும்பினால், நீங்கள் உறைந்த தர்பூசணி சாப்பிடுவதை நிறுத்த வேண்டும். தர்பூசணியை குளிர்சாதனப் பெட்டியில் வைப்பதை விட அறை வெப்பநிலையில் வைப்பது நல்லது என்று ஆய்வுகள் தெரிவிக்கின்றன.
