சருமத்திற்கு முல்தானிமட்டி பயன்படுத்துவதால் ஏற்படும் நன்மைகள் :
முல்தானி மட்டி குளிர்ச்சி பொருந்தியது. அதனால் வெயில் காலத்தில் பயன்படுத்தும் போது உடல் வெப்பம் குறைந்து சருமம் குளிர்ச்சியாக இருக்கும்.
முல்தானி மெட்டி சருமத்தில் அப்ளை செய்யும்போது சருமத்தில் ஏற்படும் எரிச்சல், அரிப்பு, சருமம் சிவந்து போதல் குறையும்.
சூரிய கதிர்வீச்சினால் ஏற்படும் சரும பாதிப்புகளையும் சன் டேனையும் குறைக்கும்.
சருமத்தில் உண்டாகும் கரும்புள்ளிகள், சுருக்கங்கள், சருமத்தில் இருக்கும் கோடுகள் ஆகியவை குறைந்து இளமையாக வைத்திருக்க உதவி செய்யும்.
விசேஷ நாட்களில் உடனடியாக முகம் பொலிவாக வேண்டும் என்றால் முல்தானிமட்டி ஃபேஸ் பேக்கை பயன்படுத்தலாம். உடனடி பலன் கிடைக்கும்.
முல்தானி மெட்டி ரோஸ் வாட்டர் பேஸ்பேக் :
தேவையான பொருட்கள்
முல்தானி மெட்டி இரண்டு ஸ்பூன்
ரோஸ் வாட்டர் ஐந்து ஸ்பூன்
பயன்படுத்தும் முறை
ஒரு சுத்தமான பௌலில் முல்தானி மட்டியை எடுத்துக் கொண்டு அதோடு ரோஸ் வாட்டரை சிறிது சிறிதாக சேர்த்து நன்கு கட்டிகள் இல்லாமல் ஸ்மூத்தான பேஸ்ட்டாகக் கலக்கி கொள்ளவும்.
முகத்தில் அப்ளை செய்வதற்கு முன்பு மென்மையான கிளன்சர் கொண்டு முகத்தை நன்கு கழுவி கொள்ளுங்கள்.
பிறகு கலந்து வைத்திருக்கும் முல்தானி மட்டி பேஸ்டை நெற்றி முதல் கழுத்து காது, முகம் முழுவதும் அப்ளை செய்து கொள்ளுங்கள்.
15 முதல் 20 நிமிடங்கள் அப்படியே வைத்திருக்கவும். ஈரமாக இருக்கும் முல்தானிமட்டி முழுவதும் காய்ந்து,சரும துளைகளுக்குள் இருக்கும் அழுக்குகள் முதல் கருமை எல்லாவற்றையும் உறிஞ்சி எடுத்து விடும்.
அதன்பிறகு குளிர்ந்த நீரை கைகளில் தொட்டு முகத்தில் தேய்த்து மென்மையாக இரண்டு நிமிடங்கள் மசாஜ் செய்யவும்.
பின்பு குளிர்ந்த நீரால் முகத்தை கழுவிக் கொள்ளலாம். வெயில் காலத்தில் வாரத்திற்கு இரண்டு முதல் மூன்று நாட்கள் வரை இதை பின்பற்றி வந்தால் முகம் புத்துணர்ச்சியாகவும் பொலிவாகவும் இருக்கும்.
முல்தானிமட்டி தக்காளி ஜூஸ் ஃபேஸ்பேக் :
தேவையான பொருள்கள்
தக்காளி ஜூஸ் – கால் கப்
முல்தானி மெட்டி – ஒரு ஸ்பூன்
மஞ்சள் பொடி – கால் ஸ்பூன்
சந்தன பொடி – அரை ஸ்பூன்
பயன்படுத்தும் முறை :
ஒரு சுத்தமான பௌலில் முல்தானி மட்டி, மஞ்சள் பொடி, சந்தன பொடி ஆகிய மூன்றுடன் சிறிது சிறிதாக தக்காளி ஜூஸைக் கலந்து ஸ்மூத்தான பேஸ்ட்டாகக் கலக்கி ஐந்து நிமிடங்கள் வரை மூடி வைத்து விடவும்.
முகத்தை நன்கு சுத்தமாக கழுவிக் கொண்டு டவலால் துடைத்துவிட்டு இந்த ஸ்மூத் பேஸ்ட்டை முகம் மற்றும் கழுத்து பகுதிகளில் அப்ளை செய்யவும்.
15 முதல் 20 நிமிடங்கள் வரை நன்கு உலர்ந்த பிறகு மென்மையாக வட்ட வடிவில் மசாஜ் செய்து பின்பு கழுவவும்.
இந்த முல்தானி மெட்டி தக்காளி ஜூஸ் ஃபேஸ்பேக் சருமத்திற்கு புத்துணர்ச்சியையும் குளிர்ச்சியையும் தருவதோடு இதில் உள்ள ஆன்ட்டி பாக்டீரியல், ஆன்டி இன்ஃப்ளமேட்டரி பண்புகள் மற்றும் வைட்டமின் சி- இல் உள்ள ப்ளீச்சிங் பண்பு சருமத்தில் உள்ள கருமை, சன் டேன், கரும்புள்ளிகள் ஆகிய அனைத்தையும் நீக்கி சருமத்திற்கு நல்ல நிறத்தை கொடுக்கும்.
பிக்மண்டேஷன் பிரச்சனை அதிகம் உள்ளவர்கள் இந்த ஃபேஸ்பேக்கை வாரத்தில் இரண்டு நாட்கள் வரை பயன்படுத்தலாம்.
முல்தானி மெட்டி முட்டை ஃபேஸ் பேக் :
தேவையான பொருள்கள் :
முல்தானி மட்டி – 2 ஸ்பூன்
முட்டை வெள்ளைக்கரு – 1
தயிர் – 1 ஸ்பூன்
பயன்படுத்தும் முறை :
ஒரு சுத்தமான பௌலில் முல்தானி மட்டியைச் சேர்த்து அதோடு முட்டையின் வெள்ளைக் கருவையும் சேர்த்து நன்கு கட்டிகள் இல்லாமல் கலக்க வேண்டும்.
அதோடு தயிர் சேர்த்து நன்கு கலக்குங்கள். ஸ்மூத்தான க்ரீம் பதத்துக்கு வந்ததும் அதை முகத்தில் அப்ளை செய்யலாம் .
முட்டையை சருமம் முழுவதுமாக உறிஞ்சிக் கொள்ள சற்று நேரம் எடுக்கும். 20 முதல் 30 நிமிடங்கள் வரை முகத்தில் வைத்திருந்து உலர்ந்த பிறகு மென்மையாக வட்ட வடிவில் தேய்த்து மசாஜ் செய்து பின்பு முகத்தை வெதுவெதுப்பான நீரில் கழுவிக்கொள்ளுங்கள்.
இந்த ஃபேஸ்பேக் சரும துளைகளுக்குள் இருக்கும் அழுக்குகள் மற்றும் கரும் புள்ளிகளை நீக்கி சருமத்தை பளிச்சென மாற்றங்கள்.
