கற்றாழை முடிக்கு செய்யும் நன்மைகள் என்னென்ன?
கற்றாழையில் ஆந்த்ராகுயினோன்கள், ரெசின்கள், டானின்கள் மற்றும் பாலிசாக்கரைடுகள் ஆகியவை கற்றாழையில் இருக்கும் முக்கிய இராசயன கூறுகள். இதில் வைட்டமின்கள் ஏ, பி, சி, ஈ மற்றும் பிஃ2 என்சைம்கள் மற்றும் அமினோ அமிலங்கள் உள்ளன. கற்றாழை உச்சந்தலைக்கு பயனுள்ளதாக இருக்கும் மற்றும் முடி உதிர்தலுக்கு சிகிச்சையளித்து அதன் வளர்ச்சியை ஊக்குவிக்க செய்யும்.
கற்றாழையில் இருக்கும் அலோ எமோடின் மயிர்க்கால்களை தூண்டி அதன் வளர்ச்சியை ஊக்குவிக்கிறது. கற்றாழை உச்சந்தலையின் தோலின் சுழற்சியை தூண்டும் உச்சந்தலையில் மற்றும் முடியை ஆரோக்கியமாக மாற்றும்.
கற்றாழை முடி உதிர்வதை தடுப்பதோடு தலைமுடியில் உச்சந்தலை பாதுகாப்பு, பொடுகுத்தொல்லையை உண்டு செய்யும் செபொர்ஹெக்டெர்மடிடிஸ் நோயாளிகளுக்கு சிகிச்சையளிப்பதிலும் பயனுள்ளதாக இருக்கும், இதன் ஈரப்பதமூட்டும் விளைவுகள் முடியை மென்மையாக, நீரேற்றமாக வைத்திருப்பதால் வறட்சியும் தடுக்கப்படும்.
கற்றாழை அரிப்பு, செதில் மற்றும் எஸ்டியால் உண்டாகும் பாதிப்பை கணிசமாக குறைக்கிறது என்கிறது ஆய்வு ஒன்று. சில நேரங்களில் இது முடி உதிர்தலுக்கு வழிவகுக்கும் என்பதால் கற்றாழை முடி வளர்ச்சியில் இந்த குறைபாட்டை போக்க உதவுகிறது. இது உச்சந்தலை இரத்த ஓட்டத்தை தூண்டுவதற்கும் மயிர்க்கால்களுக்கு ஆக்ஸிஜன் மற்றும் ஊட்டச்சத்தை வழங்குவதற்கும் பெரிதும் உதவுகிறது என்கிறார்கள் ஆராய்ச்சியாளர்கள்.
கற்றாழை செடியில் இருந்து மடல்களை எடுத்து உள்ளிருக்கும் ஜெல் போன்ற வடிவத்தை பிரித்தெடுக்கும். கற்றாழை உள் இருக்கும் மஞ்சள் நிற திரவம் வெளியேறும் வரை சுத்தம் செய்து பிறகு உள்ளிருக்கும் ஜெல்லை பயன்படுத்தவும். இந்த ஜெல்லை ப்ளெண்டரில் சேர்த்து நன்றாக கூழ் போல் மைய அரைக்கவும்.
கூந்தலுக்கு ஷாம்பு செய்து கூந்தலை அழுக்கில்லாமல் சுத்தமாக வைத்திருங்கள். பிறகு கூந்தல் அதிக ஈரமில்லாமல் உலரட்டும். இப்போது ஜெல்லை மட்டும் எடுத்து உச்சந்தலையில் நன்றாக பரத்தி மென்மையாக தடவி விடவும். நன்றாக மயிர்க்கால்களில் பரவட்டும். சிறிது சிறிதாக முடியை பிரித்து அனைத்து இடங்களிலும் தடவி விடுங்கள்.
கூந்தல் முழுவதும் நன்றாக தடவியதும் மென்மையாக மசாஜ் செய்யுங்கள். 5 முதல் 10 நிமிடங்கள் வரை மசாஜ் செய்து விடவும். இதன் மூலம் உச்சந்தலையில் இரத்த ஓட்டம் நன்றாக பரவக்கூடும். இது முடியின் மயிர்க்கால்களில் நுண்ணறை வரை பரவி பிறகு முடியை வலுவாக வைத்திருக்கும். இதனால் முடி உதிர்வு குறைவதோடு முடி வளர்ச்சியும் ஏதுவாக இருக்கும்.
பிறகு 30 நிமிடங்கள் வரை கூந்தலை அப்படியே வைத்திருந்து வெற்று நீரில் கூந்தலை அலசி எடுங்கள். தேவையெனில் ஷாம்பு பயன்படுத்தி கொள்ளலாம். உங்கள் கூந்தலின் தன்மைக்கேற்ப கண்டிஷனர் தேவை என்றாலும் பயன்படுத்தி கொள்ளலாம். வாரத்தில் 2 அல்லது 3 முறையேனும் இதை செய்து வந்தால் கூந்தல் உதிர்வது படிப்படியாக குறையும். கூந்தல் வளர்வதையும் கவனிக்கலாம்.
கற்றாழை ஜெல் எல்லா வயதினரும் பயன்படுத்தலாம். இவை பாதிப்பில்லாதது. பக்கவிளைவுகள் இல்லாதது என்பதால் அனைத்து தரப்பினரும் பயன்படுத்தலாம். இதை பயன்படுத்திய சில மாதங்களில் முடி உதிர்வு படிப்படியாக நிற்கும்.
கற்றாழை ஜெல் கடைகளில் கிடைக்கும் என்றாலும் வீட்டில் இதை வளர்ப்பது எளிதானது. மாடியில் கூட தொட்டியில் வைத்து வளர்த்துவிடலாம்.
