தேவையான பொருட்கள் :
எலும்பு இல்லாத சிக்கன் – 500 கிராம்
பெரிய வெங்காயம் – 2
தக்காளி – 2
சிவப்பு மிளகாய் – 7
இஞ்சி பூண்டு விழுது – 2 டீஸ்பூன்
முந்திரி – 12
சிவப்பு மிளகாய் தூள் – 1 தேக்கரண்டி
கொத்தமல்லி தூள் – 2 தேக்கரண்டி
மஞ்சள் தூள் – 1/2 தேக்கரண்டி
கரம் மசாலா தூள் – 1/2 டீஸ்பூன்
கசூரி மேத்தி – 1 டீஸ்பூன்
எண்ணெய் – 4 டீஸ்பூன்
கொத்தமல்லி இலைகள் – தேவைக்கேற்ப
உப்பு – 1 தேக்கரண்டி
செய்முறை :
முதலில் எலும்பு இல்லாத கோழிக்கறியை நன்றாக சுத்தம் செய்து தனியே வைத்துக்கொள்ளுங்கள்.
அடுத்து ஒரு மிக்ஸி ஜாரில் தக்காளி துண்டுகளை சேர்த்து நன்றாக பேஸ்ட் போல் அரைத்து எடுத்து கொள்ளுங்கள்.
பிறகு கடாய் ஒன்றை அடுப்பில் வைத்து சூடானதும் முந்திரி மற்றும் சிவப்பு மிளகாயை சேர்த்து குறைந்த வெப்பத்தில் வறுத்து கொள்ளுங்கள்.
வறுத்த முந்திரி மற்றும் சிவப்பு மிளகாய் ஆறியதும் மிக்ஸி ஜாரில் சேர்த்து பொடியாக அரைத்து பிறகு அதனுடன் சிறிதளவு தண்ணீர் சேர்த்து நன்றாக பேஸ்டாக அரைத்து கொள்ளவும்.
பின்னர் கடாய் ஒன்றை அடுப்பில் வைத்து எண்ணெய் ஊற்றி சூடாக்கிக்கொள்ளவும்.
எண்ணெய் சூடானதும் நறுக்கிய வெங்காயத்தைச் சேர்த்து மிதமான தீயில் 8 நிமிடங்களுக்கு வதக்கிக்கொள்ளுங்கள்.
வெங்காயம் கண்ணாடி பதத்திற்கு வதங்கியவுடன் அதனுடன் இஞ்சி மற்றும் பூண்டு விழுது சேர்த்து 2 நிமிடத்திற்கு குறைந்த வெப்பத்தில் வதக்கவும்.
இஞ்சி பூண்டின் பச்சை வாசம் போனவுடன் மஞ்சள் தூள், சிவப்பு மிளகாய் மற்றும் கொத்தமல்லி தூள் சேர்த்து நன்கு கலந்து அதனுடன் சிறிதளவு தண்ணீர் சேர்த்து 3 நிமிடங்களுக்கு மிதமான தீயில் வதக்கிக்கொள்ளவும்.
இப்போது எலும்பு இல்லாத கோழி துண்டுகள் மற்றும் தேவைக்கேற்ப உப்பு சேர்த்து மூன்று நிமிடங்களுக்கு அதிக வெப்பத்தில் வறுத்துக்கொள்ளவும்.
கோழி நன்றாக வதங்கி எண்ணெய் பிரியும் வரை மிதமான தீயில் வைத்து தொடர்ந்து வறுக்கவும்.
எண்ணெய் பிரியும் தருவாயில் முந்திரி-சிவப்பு மிளகாய் பேஸ்ட் மற்றும் அரைத்து வைத்துள்ள தக்காளி விழுதை சேர்த்து நன்கு கலந்து எண்ணெய் பிரியும் வரை சமைக்கவும்.
அடுத்து அதனுடன் தேவைக்கேற்ப தண்ணீர் சேர்த்து கலந்து மூடி 15 நிமிடங்கள் சமைக்கவும்.
கோழி நன்றாக வெந்தவுடன் கரம் மசாலா தூள் மற்றும் கசூரி மேத்தி சேர்த்து கலந்து இரண்டு நிமிடங்களுக்கு குறைந்த தீயில் கொதிக்கவிடவும்.
கடைசியாக சிக்கன் கிரேவியில் கொத்தமல்லி இலைகள் சேர்த்து இறக்கினால் சுவையான ரெஸ்டாரன்ட் ஸ்டைல் சிக்கன் கிரேவி ரெடி.
இந்த சிக்கன் கிரேவியை சூடான சாதம், இட்லி, தோசை மற்றும் சப்பாத்தியுடன் அனைவருக்கும் பரிமாறவும்.
