ஆண்களுக்கான குழந்தையின்மை பரிசோதனையில் விந்து பகுப்பாய்வு மேற்கொள்ளும் போது அன்றாட பழக்கவழக்கங்கள் குறித்தும் ஆண்களிடம் ஆலோசிக்கப்பட்டு பல மாற்றங்கள் செய்யவும் அறிவுறுத்தப்படுகிறார்கள். ஆண்களின் கருவுறுதலை பாதிக்கும் வாழ்க்கை முறைகள் என்ன என்பதை தெரிந்துகொள்வதன் மூலம் உங்கள் அன்றாட பழக்க வழக்கங்களும் ஆரோக்கியமாக மாற்றிகொள்ளலாம்.
மது அருந்துவதை கட்டுப்படுத்துங்கள் :
கருத்தரிக்க முயற்சிக்கும் போது மது அருந்துவதை தவிர்க்க எப்போதும் அறிவுறுத்தப்படுவதுண்டு. மது அருந்தும் பழக்கம் உடல் ஆரோக்கியத்தையும் பாதிக்க செய்யும். ஆரோக்கியமான விந்தணுக்களை பெறுவதற்கு ஆண்கள் எப்போதும் மதுவை தவிர்ப்பதே நல்லது. மதுப்பழக்கம் இருந்தால் அதை கட்டுப்படுத்துவதை கண்டிப்பாக கடைப்பிடிக்க வேண்டும். ஏனெனில் மது அளவு வரம்பு மீறுவது டெஸ்டோஸ்டிரான் அளவை குறைத்து விந்தணுக்களின் தரம், ஆரோக்கியம், எண்ணிக்கை, வீரியம் போன்றவற்றையும் குறைக்கும்.
புகைப்பழக்கத்தை கட்டுப்படுத்துங்கள் :
புகைப்பழக்கம் மோசமானது ஒன்று. இது புற்றுநோய், இதய நோய் மற்றும் இன்னும் பிற மோசமான உடல்நல அபாயத்தை அதிகரிக்க செய்யும். ஒட்டுமொத்த ஆரோக்கியத்தை தீங்கு விளைவிக்க செய்யும் இந்த புகைப்பழக்கம் ஆண்களில் கருவுறுதலையும் பாதிக்கிறது. விந்தணுக்கள் பாதிப்புகளில் தாக்கத்தை உண்டு செய்யும் புகைப்பழக்கத்தை நிறுத்துவதே நன்மை செய்யும்.
கேட்ஜட் சாதனங்களில் எச்சரிக்கை :
தொலைபேசிகள், டேப்லெட்டுகள், மடிக்கணினிகள், தொலைபேசி போன்ற பொதுவான சாதனங்களில் மின்காந்த கதிர்வீச்சு அதிகம் .இவை விந்தணுக்களின் தரம், வீரியம், எண்ணிக்கை, போன்ற அனைத்தையும் பாதிக்க கூடியவை என்பதால் இயன்றவரை கட்டுப்படுத்தி பயன்படுத்துங்கள். மடியில் வைத்து பயன்படுத்த வேண்டாம். நீண்ட நேரம் இவற்றை வைத்திருக்க கூடாது.
செல்ஃபோன், மடிக்கணினி போன்றவை சூடானது. ஆண்களின் உடலில் விரைகள் இருக்கும் பகுதி சாதாரண உடல் வெப்பநிலையை விட 2-3 சி குறைவாக இருக்கும். உடலின் மற்ற இடங்களை விட குளிர்ச்சியாக இருக்கும் இந்த இடத்தில் சூடாக இருக்கும் போது விந்தணுக்கள் உற்பத்தி எதிர்மறையாக பாதிக்கப்படுகிறது. நீண்ட காலம் இந்த பணியில் இருப்பவர்கள் உடல் ஆரோக்கியம் கெடாமல் எப்படி பயன்படுத்துவது என்பதை தெரிந்துகொள்ள வேண்டும்.
