தமிழ் சினிமாவில் பிரம்மாண்ட படைப்புக்களில் ஒன்றாக இருப்பது ஷங்கரின் இந்தியன் திரைப்படம். உலகநாயகன் கமல் ஹாசன் நடிப்பில், ஷங்கர் இயக்கத்தில் 1996 ஆம் ஆண்டு வெளியானது இந்தியன்.
இதில் பல புதுவித தொழில்நுட்பங்கள் மூலம் படம் தயாரிக்கப்பட்டு இருந்தது.
இந்தியன் படத்தின் மாபெரும் வெற்றியை தொடர்ந்து, இதன் இரண்டாம் பாகம் 25 ஆண்டுகள் கழித்து தற்போது உருவாகிவருகிறது.
இந்தியன் 2 படத்தில் கமலுடன் சமுத்திரக்கனி, காஜல் அகர்வால், சித்தார்த், ராகுல் ப்ரீத்தி சிங் போன்ற பல நட்சத்திரங்கள் நடித்துவருகின்றனர். இந்த படத்திற்கு அனிருத் இசையமைக்கவுள்ளார்.
சமீபத்தில் சினிஉலகத்திற்கு அளித்த பேட்டியில், எழுத்தாளர் ஜெயமோகன் இந்தியன் 2 படத்தின் கதை அம்சத்தை பற்றி பல தகவல் பகிர்ந்துள்ளார்.
அதில், “இந்தியன் படத்தை போலவே அதன் இரண்டாம் பாகமும் அமைந்திருக்கும். சுதந்திரத்திற்கு முற்பட்ட காலத்தில் தான் முதல் பாகம் இருக்கும், இரண்டாம் பாகம் இதற்கும் முந்தைய காலத்தில் தொடங்கி அதன் பின் மீண்டும் இந்தியன் தாத்தா காலத்திற்கு வரும்.
”இந்தியன் தாத்தா என்ற கதாபாத்திரத்தில் வரும் சேனாதிபதிக்கும் அவரின் தந்தைக்கும் நடக்கும் சண்டையே இப்படத்தின் திரைக்கதையாக இருக்கும்” என கூறியுள்ளார் ஜெயமோகன்.
