நடிகை குஷ்பூ நடிப்பில் உருவாகவிருக்கும் புதிய சீரியலின் படப்பிடிப்பு இன்று துவங்கியது.
90-களில் இந்திய சினிமாவைக் கலக்கிய நடிகைகளில் நடிகை குஷ்புவும் ஒருவர். பல இளைஞர்களின் கனவு கன்னியாக திகழ்ந்தவர். தற்போது சினிமாவில் குணச்சித்திர கதாபாத்திரங்களிலும் சீரியல்களிலும் நடித்து வருகிறார். தற்போது அவர் தீவிர அரசியலிலும் களமிறங்கியிருக்கிறார்.
குஷ்பூ பல சீரியல்களில் நடித்து தமிழக இல்லத்தரசிகளின் மனங்களில் இடம் பிடித்தார். சின்ன சின்ன ஆசை, அர்த்தமுள்ள உறவுகள், மருமகள், குங்குமம், கல்கி, நந்தினி, கடைசியாக சன் டிவியில் ஒளிபரப்பான லட்சுமி ஸ்டோர்ஸ் என்ற சீரியலில் நடித்தார்.
இந்நிலையில் குஷ்பூ இயக்கி நடிக்கும் புதிய சீரியலின் படப்பிடிப்பு இன்று தொடங்கியுள்ளது. ‘மீரா’ என்று தலைப்பு வைக்கப்பட்டுள்ள இந்த சீரியல் கலர்ஸ் டிவி சேனலில் ஒளிபரப்பாக உள்ளது. அந்தப் புகைப்படங்களை பகிர்ந்துள்ள அவர் உங்களின் ஆதரவும் தேவை என்று தெரிவித்துள்ளார்.
I start my new venture #MEERA today. It's a serial to be aired on @ColorsTvTamil soon. I also write the story for it.
Need all your support and encouragement. @sureshmenonnew pic.twitter.com/Q9PIYD46Xt— KhushbuSundar or NakhatKhan (@khushsundar) February 14, 2022
