லட்சுமி அழுவதை பார்த்து தாங்க முடியாத நிஷா, ஆத்திரத்தில் உங்க அப்பா டாக்டர் பாரதி தான் என்கிறார்.
பாரதி கண்ணம்மா சீரியலில் கண்ணம்மாவின் பிறந்த நாள் கொண்டாட்டம் முடிவதற்குள் ஏகப்பட்ட ட்விஸ்டுகள் எபிசோடில் அரங்கேறி வருகின்றன. அதிலும் குறிப்பாக பாரதி குறித்த உண்மை ஒவ்வொரு நபருக்காக தெரிய வந்து சீரியலே பரபரப்பாக சென்று கொண்டிருக்கிறது.
விஜய் டிவியில் ஒளிப்பரப்பாகும் பாரதி கண்ணம்மா சீரியல் ரோஷினியின் விலகலுக்கு பின்பு பல சறுக்கல்களை சந்தித்து விட்டது.ஆனாலும் இயக்குனர் பிரவீன் சாமர்த்தியமாக கதையின் திரைக்கதையில் ஏகப்பட்ட ட்விஸ்டுகளை புகுத்தி ரசிகர்களை எப்படியாவது தினமும் எபிசோடை பார்க்க வைத்து விடுகிறார். புது கண்ணம்மாவாக வினுஷாவின் அறிமுகத்திற்கு பின்பு சீரியல் டி.ஆர்.பியில் மிகப் பெரிய அடி வாங்கியது. ஆனால் இப்போது கதையே வேற. அவரின் நடிப்பு சீரியலுக்கு மிகப் பெரிய உறுதுணையாக அமைந்து விட்டது. சோஷியல் மீடியாவில் ஒரே புகழாரம் தான். நடுவில் பாரதியும் கண்ணம்மாவும் சேர்வது போல் பல சம்பவங்கள் அரங்கேறின. ஆனால் அது எல்லாவற்றிலும் ஒரு ‘க்’ வைத்து இயக்குனர் சீரியலை கையாண்டார்.
இப்போது சீரியலின் அடுத்த கட்டம், 9 ஆண்டுகளாக லட்சுமிக்கு தெரியாமல் மறைத்து வைத்த உண்மையை கண்ணம்மா தனது பிறந்த நாள் அன்று சொல்ல போகிறார். இந்த சந்தோஷத்தில் லட்சுமி ஒவொரு நாளையும் எண்ணிக் கொண்டிருக்கிறார். பாரதிக்கும் இந்த தகவல் சென்று விட்டது. கண்ணம்மாவின் பிறந்த நாள் அன்று லட்சுமி அப்பா குறித்து, அதாவது டாக்டர் பாரதி பற்றி சொல்ல போவதாக கண்ணம்மா சபதம் போட்டு இருக்கிறார்.
இதற்குள், லட்சுமிக்கு இன்றைய எபிசோடில் மற்றொரு உண்மையும் தெரிய வருகிறது. வழக்கம் போல் லட்சுமி, அப்பா பற்றி கண்ணம்மாவிடம் கேட்க, கண்ணம்மாவும் மெளனம் காக்கிறார். அந்த நேரம் பார்த்து வாய்தா வடிவுக்கரசி என்ட்ரி கொடுக்க, அவர் முக்கியமான ரகசியத்தை லட்சுமியிடம் சொல்கிறார். லட்சுமி அழுவதை பார்த்து தாங்க முடியாத நிஷா, ஆத்திரத்தில் உங்க அப்பா டாக்டர் பாரதி தான் என்கிறார்.
லட்சுமி ஷாக்கில் உறைந்து போக, அப்படி இப்படின்னு சமாளிச்சு கடைசியில் ”உங்க அப்பா யாருன்னு டாக்டர் பாரதிக்கு தெரியும். உங்க அப்பாவ அவர் நேர்ல பார்த்து இருக்காரு, போய் அவருகிட்ட எல்லா உண்மையும் கேளு” என்று கொளுத்தி போடுகிறார். அதிர்ச்சியில் இருந்து மீளாத லட்சுமி அவசர அவசரமாக பாரதியை பார்க்க ஓடுகிறார். இத்துடன் சீரியலின் இன்றைய எபிசோடும் முடிவடைகிறது.
