புற்றுநோயைப் பற்றிய விழிப்புணர்வை மக்களிடையே பரப்புவதற்காகவும், அதனுடன் தொடர்புடைய கட்டுக்கதைகளை பற்றியும் மக்கள் தெரிந்துகொள்ள வேண்டும். உயிருக்கு ஆபத்தான புற்றுநோய் பற்றிய அனைவரும் தெரிந்துகொள்ள வேண்டியது அவசியம். புற்றுநோய் இருப்பது ஆரம்பத்திலேயே கண்டுபிடிக்கப்பட்டால், அதற்கான சிகிச்சைகளை மேற்கொண்டு நிலையை கட்டுக்குள் கொண்டுவரலாம். புற்றுநோய் தடுப்பு, கண்டறிதல் மற்றும் சிகிச்சையை ஊக்குவிப்பதற்காக நாள் குறிக்கப்படுகிறது. இறைச்சி அதிகமாக உண்ணும்போது, புற்றுநோய் ஏற்பட வாய்ப்புள்ளதாகக் கூறப்படுகிறது. ஆதலால், இறைச்சியை வறுக்கும் போது புற்றுநோயின் அபாயத்தை எவ்வாறு குறைக்கலாம் என்பதை பற்றி நீங்கள் தெரிந்துகொள்ள வேண்டியது அவசியம். இறைச்சி ஆரோக்கிய நன்மைகளுடன் சாப்பிடப்பட்டாலும், இறைச்சியை வறுத்து உண்பது மனித உடலை புற்றுநோய்க்கு ஆளாக்கும்.
அதிக வெப்பநிலையில் எந்த வகையான இறைச்சியையும் சமைப்பதால், புற்றுநோயை உண்டாக்கும் இரசாயனங்கள்- கார்சினோஜென்கள், ஹெட்டோரோசைக்ளிக் அமின்கள் அல்லது எச்.சி.ஏ.க்கள் எனப்படும். இந்த கலவைகள் இறைச்சியின் மேற்பரப்பில் ஒட்டிக்கொண்டு புற்றுநோயின் அபாயத்தை அதிகரிக்கும். பெரும்பாலான மக்கள் வறுத்த இறைச்சியான கிரில் உணவை அதிகமாக விரும்பி சாப்பிடுகிறார்கள். கிரில் இறைச்சியை எவ்வாறு பாதுகாப்பாக சமைப்பது என்பது பற்றி இக்கட்டுரையில் தெரிந்துகொள்ளுங்கள்.
சிறிய துண்டுகளாக சமைக்கவும்:
நிபுணர்களின் கூற்றுப்படி, இறைச்சியை சிறிய துண்டுகளாக வெட்ட வேண்டும். இதனால் அவை விரைவாக சமைக்கப்படும் மற்றும் அதிக சமையல் வெப்பநிலையில் குறுகிய வெளிப்பாடு இருக்கும். இது புற்றுநோயை உண்டாக்கும் சேர்மங்களுக்கு இறைச்சியை வெளிப்படுத்தும் அபாயத்தைக் குறைக்க உதவுகிறது.
இறைச்சியை தவறாமல் புரட்டவும்:
இறைச்சியை வறுக்கும் போது தவறாமல் புரட்டுவதை உறுதி செய்து கொள்ளுங்கள். இதனால் இறைச்சியின் எல்லா பக்கமும் சமமாக வேகும். இதனால், அதிக வெப்பத்தை உறிஞ்சவோ அல்லது இழக்கவோ நேரமில்லை.
சரியான வெப்பநிலையைப் பயன்படுத்துதல்:
ஊட்டச்சத்து நிபுணர்களின் கூற்றுப்படி, ஒரு கரி கிரில்லைப் பயன்படுத்துவதற்குப் பதிலாக, வெப்பநிலையை சிறப்பாகக் கட்டுப்படுத்துவதற்கு எரிவாயு கிரில்லைப் பயன்படுத்தலாம். எரிவாயு கிரில்லைப் பயன்படுத்துவதற்கான சரியான வழி, பர்னரைப் பற்றவைத்து, இறைச்சியை சமமாக சமையலுக்கு மையத்தில் வைப்பதாகும்.
இறைச்சியை முன்கூட்டியே சமைக்கவும்:
அடுப்பு அல்லது மைக்ரோவேவில் இறைச்சியை ஓரளவு வேகவைத்து சமைக்கவும் பரிந்துரைக்கப்படுகிறது. இந்த செயல் கிரில்லில் இறைச்சியின் வெளிப்பாடு நேரத்தை குறைக்க உதவுகிறது. நன்றாக வேகவைத்த இறைச்சி உங்கள் ஆரோக்கியத்திற்கு நல்லது.
முறையான மரைனேஷன்:
புற்றுநோயை உண்டாக்கும் சேர்மங்களிலிருந்து உங்கள் இறைச்சியைப் பாதுகாப்பாக வைத்திருக்க மற்றொரு வழி, அவற்றை நன்றாக ஊற வைப்பதாகும். நிபுணர்களின் கூற்றுப்படி, எச்.சி.ஏ.க்கள் உருவாவதைக் குறைக்க, இறைச்சியை மரைனேட் செய்து, கிரில் செய்வதற்கு முன் குறைந்தது 30 நிமிடங்கள் ஊறவைக்க வேண்டும். மேலும், மரினேஷனில் வினிகர் அல்லது எலுமிச்சை சாறு பயன்படுத்துவது தடையை உருவாக்குவதில் மிகவும் பயனுள்ளதாக இருக்கும் என்பது நிரூபிக்கப்பட்டுள்ளது.
மெலிந்த இறைச்சிகளைத் தேர்ந்தெடுங்கள்:
எப்போதும் குறைந்த கொழுப்புள்ள கோழி, கடல் உணவு மற்றும் தோல் இல்லாத வான்கோழி போன்ற மெலிந்த இறைச்சிகளைத் தேர்ந்தெடுங்கள். ஏனெனில், இவை தீங்கு விளைவிக்கும் ஹைட்ரோகார்பன்கள் கொண்ட தீ மற்றும் புகையைக் குறைக்க உதவுகிறது.
