இந்திய பங்குச் சந்தைகளில் இன்று பங்கு வர்த்தகம் ஏற்றம் கண்டது. சென்செக்ஸ் 86 புள்ளிகள் உயர்ந்தது.
இந்திய பங்குச் சந்தைகளில் இன்று பங்கு வர்த்தகம் சரிவுடன் தொடங்கியது. இருப்பினும் பின்னர் பங்கு வர்த்தகம் ஏற்றம் கண்டது. முதலீட்டாளர்கள் பங்குகளை வாங்கி குவித்தது போன்றவை பங்கு வர்த்தகத்துக்கு ஆதரவாக அமைந்தன. சென்செக்ஸ் கணக்கிட உதவும் 30 நிறுவன பங்குகளில், அல்ட்ராடெக் சிமெண்ட் மற்றும் மகிந்திரா அண்டு மகிந்திரா உள்பட மொத்தம் 18 நிறுவன பங்குகளின் விலை உயர்ந்தது. அதேவேளையில், எச்.சி.எல். டெக்னாலஜிஸ் மற்றும் எச்.டி.எப்.சி. வங்கி உள்பட மொத்தம் 12 நிறுவன பங்குகளின் விலை குறைந்தது.
மும்பை பங்குச் சந்தையில் இன்று 2,294 நிறுவன பங்குகளின் விலை உயர்ந்தது. 1,307 நிறுவன பங்குகளின் விலை குறைந்தது. 138 நிறுவன பங்குகளின் விலையில் எந்தவித மாற்றமும் இன்றி முடிவடைந்தது. மும்பை பங்குச் சந்தையில் பட்டியலிடப்பட்டுள்ள நிறுவனங்களின் பங்குகளின் மொத்த சந்தை மதிப்பு ரூ.280.03 லட்சம் கோடியாக உயர்ந்தது. ஆக, இன்று முதலீட்டாளர்களுக்கு பங்குச் சந்தையில் ஒட்டு மொத்த அளவில் சுமார் ரூ.1.54 லட்சம் கோடி லாபம் கிடைத்தது.
மும்பை பங்குச் சந்தையின் குறியீட்டு எண் சென்செக்ஸ் 85.88 புள்ளிகள் உயர்ந்து 61,308.91 புள்ளிகளில் நிலைகொண்டது. தேசிய பங்குச் சந்தையின் குறியீட்டு எண் நிப்டி 52.35 புள்ளிகள் ஏற்றம் கண்டு 18,308.10 புள்ளிகளில் முடிவுற்றது.
