டென்ஷன் தலைவலி :
சமீபத்தில் இந்த வகை தலைவலியால் தான் அதிகம் பேர் பாதிக்கப்படுகிறார்கள். இதற்கு காரணம் பதட்டம், மன அழுத்தம் ஆகியவை தான் என்று கூறப்படுகிறது.
இந்த டென்ஷன் தலைவலி வரும்போது பெரும்பாலும் தலையின் பின்பகுதியில் தான் வலி ஏற்படும்.
ஒற்றைத் தலைவலி :
ஒற்றைத் தலைவலி தான் மிகக் கொடுமையான தலைவலி என்று கூட சொல்லலாம். எப்போது வரும், எப்போது போகும் என்று அதற்கு மட்டும் தான் தெரியும்.
இந்த வகை தலைவலி வரும்போது தலையின் ஒரு பக்கம் மட்டும் வலி கடுமையாக இருக்கும்.
இந்த தலைவலி வந்தால் இரண்டு மணி நேரம் முதல் 72 மணி நேரம் வரை கூட இருக்குமாம்.
க்ளஸ்டர் தலைவலி :
இந்த வகை தலைவலி வந்தாலும் ஒரு பக்கம் மட்டும் தான் வலி இருக்கும். ஆனால் மைக்ரேன் போல நீண்ட நேரம் இருக்காது. 20 நிமிடம் முல் அதிகபட்சமாக 2 மணி நேரம் தான் இருக்கும்.
இந்த வகை தலைவலி வரும்போது கூடவே மூக்கடைப்பு, கண்களில் நீர் வடிதல், கண்ணிமைகளில் வலி ஆகியவையும் இருக்கும்.
ஹைப்பனிக் தலைவலி :
மிக லேசானது முதல் மிதமான அளவில் இந்த தலைவலி வரும். இந்த தலைவலி வரும்போது தலையின் முன்பகுதியில் இரண்டு புறத்திலும் வலி வரும்.
அதிகபட்சமாக 3 மணி நேரம் வரை இந்த தலைவலி நீடிக்கலாம். இது வரும்போது கண்கள் கூசுவது, குமட்டல், மண்டைக்குள் இருந்து சத்தம் கேட்பது போன்ற உணர்வு ஆகிய அறிகுறிகள் உண்டாகும்.
சைனஸ் தலைவலி :
சைனஸ் பிரச்சினை இருப்பவர்களுக்கு இந்த சைனசிடிஸ் தலைவலி அடிக்கடி உண்டாகும்.
இந்த வகை தலைவலி வரும்போது முன் நெற்றிப் பகுதி. புருவங்கள், கண்ணிமைகள், கன்னம் என முகங்களில் மூக்கைச் கூற்றியுள்ள பகுதி வரைக்கும் வலி இருக்கும்.
நாள்பட்ட தலைவலி :
சிலருக்கு நாள்பட்ட நிலையில் இந்த தலைவலி இருக்கும். எதற்கெடுத்தாலும் தலைபாரமாக உணர்வார்கள்.
கிட்டதட்ட இந்த வகை தலைவலி தினந்தோறும் கூட வந்துபோகும். இந்த வகை தலைவலி வந்தால் மாதக்கணக்கில் நீடிக்கும். சிலருக்கு அதிகபட்சமாக 3 மாதங்கள் வரை கூட இருக்கலாம்.
