தேவையான பொருள்கள்
வடித்த சாதம் – 1 கப்,
பெரிய வெங்காயம் – 1 ,
எண்ணெய் – 3 ஸ்பூன்,
கடுகு – கால் ஸ்பூன்,
தக்காளி – அரை,
கடலைப்பருப்பு – 1 ஸ்பூன்,
உளுத்தம் பருப்பு – கால் ஸ்பூன்,
சீரகம் – கால் ஸ்பூன்,
காய்ந்த மிளகாய் – 1,
கறிவேப்பிலை – சிறிதளவு,
உப்பு – தேவையான அளவு,
மஞ்சள் பொடி – கால் ஸ்பூன்,
மிளகாய் பொடி – அரை ஸ்பூன்,
மல்லி பொடி – அரை ஸ்பூன்,
கரம் மசாலா – சிறிதளவு,
கொத்தமல்லி இலை – சிறிதளவு,
செய்முறை
வெங்காயத்தை தோலுரித்து விட்டு நீளவாக்கில் மெலிதாக நறுக்கிக் கொள்ள வேண்டும்.
ஒரு கடாயை அடுப்பில் வைத்து அதில் எண்ணெய் விட்டு காய்ந்ததும் கடுகு சேர்த்து பொரிய விடுங்கள்.
கடுகு பொரிந்ததும் அதில் சீரகம், கடலைப் பருப்பு, உளுந்து, கறிவுப்பிலை சேர்த்து வதக்க வேண்டும்.
உளுந்து மற்றும் கடலைப் பருப்பு பொன்னிறமாக வறுபட்டதும் அதில் காய்ந்த மிளகாய், சேருங்கள். அடுத்ததாக நறுக்கிய வெங்காயத்தைச் சேர்த்து நன்கு வதக்க வேண்டும்.
வெங்காயம் வதங்கும்போது சிறிது உப்பு சேர்த்தால் சீக்கிரமாக வதங்கும்.
அடுத்ததாக அதில் நறக்கிய அரை தக்காளி பழத்தைச் சேர்த்து அதோடு மஞ்சள் பொடி, மிளகாய் பொடி, கரம் மசாலா கால் ஸ்பூன் சேர்த்து நன்கு வதக்குங்கள்.
வெங்காயம், தக்காளி வதங்கியதும் வடித்து வைத்திருக்கும் சாதத்தை சேர்த்து விட்டு, அடுப்பை மிதமான தீயில் வைத்துக் கொள்ளுங்கள்.
நன்கு சாதத்தைச் சேர்த்து கிளறி உப்பு சரிபார்க்கவும். இப்போது தேவைப்பட்டால் உப்பு சேர்த்து கிளறிக் கொள்ளவும். கடைசியில் நறுக்கிய கொத்தமல்லி இலைகள் தூவி இறக்கினால் சிம்பிளான டேஸ்டியான ஆனியன் ரைஸ் / வெங்காய சாதம் ரெடி!.
