கமல்ஹாசன் தொகுத்து வழங்கும் இந்த சீசனில் தற்போது 84 நாட்களை கடந்தாலும் வெற்றியாளர் யார் என்பதை இன்னும் கணிக்கவே முடியாமல் நிகழ்ச்சி சென்று கொண்டிருக்கின்றது.
இந்நிலையில் நேற்றைய தினத்தில் பிக் பாஸ் வீட்டிலிருந்து சரவண விக்ரம் வெளியற்றப்பட்டுள்ளார். இவர பாண்டியன் ஸ்டோர்ஸ் சீரியலில் கண்ணன் கதாபாத்திரத்தில் நடித்து பிரபலமானார்.
இவர் பிக் பாஸ் வீட்டில் போட்டியாளராக இருந்துவந்ததுடன், ரசிகர்களின் மீம்ஸ்க்கும் அவ்வப்போது தீனி போட்டும் வந்தார். இந்நிலையில் பிக் பாஸிலிருந்து வெளியேறிய சரவணனின் சம்பள விபரம் வெளியாகியுள்ளது.
பிக்பாஸ் போட்டியாளர்கள் அனைவருக்குமே ஒரு நாளைக்கு குறிப்பிட்ட தொகை சம்பளமாக கொடுக்கப்படுகிறது. அப்படி, சரவண விக்ரமிற்கும் ஒரு நாளைக்கு ரூ.18 ஆயிரம் ரூபாய் வரை கொடுக்கப்பட்டதாம்.
இவர், பிக்பாஸ் 7 வீட்டில் 80 நாளைக்கு மேல் இருந்துள்ளார். இதனால் இவருக்கு சுமார் 14 லட்சம் வரை சம்பளமாக கொடுக்கப்பட்டிருக்கலாம் என்று தகவல் வெளியாகியுள்ளது.
