வீட்டிற்குள் வைக்க வேண்டிய பொருட்கள் மட்டுமல்ல வீட்டை சுற்றிலும் எந்த திசையில் எந்த பொருளை வைக்க வேண்டும் என்பதை தெரிந்து கொண்டு வைப்பதற்கு வாஸ்து சாஸ்திரம் வழிகாட்டுகிறது. வீட்டின் தோட்டத்தில் நாம் அழகிற்காக வைக்கும் சில செடிகள் மற்றும் பொருட்களும் கூட வீட்டில் தீய சக்திகள் ஆக்கிரமிப்பிற்கு உள்ளாக முக்கிய காரணமாக இருக்கின்றன. வீட்டில் தோட்டம் அமைப்பதற்கு முன் எந்தெந்த விஷயங்களை எல்லாம் கண்டிப்பாக கவனிக்க வேண்டும், எந்தெந்த விஷயங்களை எல்லாம் செய்யக் கூடாது என்பதை தெரிந்து கொள்ளலாம்.
வீட்டு தோட்டத்தில் செய்ய வேண்டியவைகள் :
1. வீட்டின் வடக்கு திசையில் தோட்டம் அமைப்பது மிகவும் சிறப்பானதாகும். இது செல்வம் பெருகுவதற்கு துணை செய்யும்.
2. வீட்டின் கிழக்கு திசையில் தோட்டம் அமைப்பதும் மிகவும் சிறப்பானதாக கருதப்படுகிறது. அரசியல்வாதிகள் மற்றும் பொது வாழ்வில் ஈடுபடுவோரின் வாழ்க்கை சிறப்பானதாக அமைய இது உதவி செய்யும்.
3. ஃபவுண்டைன் அமைக்கும் போது தோட்டத்தின் வடக்கு-வடகிழக்கு, கிழக்கு – வடகிழக்கு திசைகளில் அமைப்பத மிகவும் சிறப்பானதாகும்.
4. வடக்கு திசையில் எந்த மாதிரியான நீர் சார்ந்த அமைப்புக்களை வைத்தாலும் அது சிறப்பானதாக இருக்கும்.
5. தோட்டத்தின் மையப்பகுதி எப்போதும் காலியாகவும், சுத்தமாகவும் இருக்கும் படி பார்த்துக் கொள்ள வேண்டும்.
6. தோட்டத்தின் வடக்கு அல்லது வடகிழக்கு திசையில் துளசி செடி வைப்பது மிகவும் சிறப்பானதாகும்.
மரங்கள் வைக்க ஏற்ற திசை :
7. ஊஞ்சல் ஏதாவது அமைப்பதாக இருந்தால் வடக்கு அல்லது கிழக்கு திசையில் அமைக்கலாம்.
8. நன்கு செழிப்பாக, நல்ல நிலையில் இருக்கக் கூடிய செடிகளை மட்டுமே தோட்டத்தில் வைத்து, நன்கு பராமரிக்க வேண்டும்.
9. தெற்கு திசையில் மட்டுமே பெரிய மரங்களை வைக்க வேண்டும்.
10. சிறிதளவாவது திறந்த வெளியான இடத்தை வைக்க வேண்டும்.
11. கனிகள் காய்க்கும் மரங்களை வீட்டின் கிழக்கு பகுதியில் வைப்பது மிகவும் சிறப்பானதாகும்.
12. பூச்செடிகள் வைப்பதற்கும், அமரும் இடம் அமைப்பதற்கும், நீரூற்று அமைப்பதற்கும் கிழக்கு திசை சரியான இடமாகும்.
ரோஜா செடியை எந்த திசையில் வைக்கலாம்?
13. மாமரம் போன்ற பெரிய மரங்களை வீட்டின் மேற்கு திசையிலேயே வைக்க வேண்டும். ஆனால் இவைகள் வீட்டிற்கு மிகவும் அருகில் இருப்பதை போல் வைக்கக் கூடாது.
14. பாறைகள் போன்ற அமைப்புகள், கற்சிலைகள் போன்றவை அமைப்பதற்கு மேற்கு திசை மிகவும் உகந்தது ஆகும்.
15. குழந்தைகள் விளையாடுவதற்கான இடத்தை வடமேற்கு திசையில் அமைப்பது சிறப்பானது. பறவைகளின் கூடு, வளர்ப்பு பிராணிகளின் கூண்டு, ஊடுபயிர் நடுவது ஆகியவற்றிற்கும் வடமேற்கு திசை மிகவும் ஏற்றதாகும்.
16. உயர்ந்த மரங்கள், மல்லிகை, ரோஜா உள்ளிட்ட செடிகள் வளர்ப்பதற்கு தென்மேற்கு திசை மிகவும் ஏற்றதாகும்.
17. நடைபாதையின் இரு புறமும் மல்லிகை செடிகளை வளர்ப்பது மிகவும் சிறப்பானதாகும். இதனால் வீட்டில் மகிழ்ச்சியும், செல்வ வளம் நிறைந்திருக்கும்.
தோட்டத்தில் செய்யக் கூடாதவை :
1. வாஸ்துப்படி வடக்கு திசையில் பெரிய மரங்களை வைப்பது நல்லதல்ல.
2. வீட்டின் மையப்பகுதியில் பெரிய மரங்களை வைக்கக் கூடாது. பிரம்மஸ்தானம் எனப்படும் வீட்டின் மையப்பகுதியில் எந்த விதமான கட்டுமானங்களையும் மேற்கொள்ளக் கூடாது.
3. வீட்டை சுற்றிலும் எந்த திசையிலும் முற்செடிகள் எதுவும் வைக்கக் கூடாது.
4. போன்சாயி மரங்கள் வீட்டில் நெகடிவ் ஆற்றங்களையே தரக் கூடியதாக கருதப்படுகிறது.
5. தோட்டத்தின் தென்மேற்கு, தெற்கு அல்லது தென்கிழக்கு திசைகளில் எந்த விதமான நீர் அமைப்புக்களையும் வைக்கக் கூடாது. இப்படி வைப்பதால் நெகடிவ் ஆற்றல்கள் பெருகக் கூடும்.
6. வீட்டின் காம்பவுண்ட் சுவற்றின் மீது பூந்தொட்டிகளை வைப்பதை தவிர்க்க வேண்டும். தரையில் மட்டுமே பூந்தொட்டிகளை வைக்க வேண்டும்.
தமிழ் சமயம் சேனலை வாட்ஸாப்ப்பில் தொடர இங்கே கிளிக் செய்யுங்கள்
வீட்டில் வளர்க்கக் கூடாத செடிகள் :
7. காய்ந்த அல்லது பட்டுப்போன செடிகள், மரங்கள் ஆகியவற்றை தோட்டத்தில் எந்த இடத்தில் வைத்திருக்கக் கூடாது. இவைகள் நெகடிவ் ஆற்றலை அதிகம் ஈர்க்கக் கூடியவை ஆகும்.
8. தோட்டத்தின் தெற்கு திசையில் நீர் அமைப்புகள், நீச்சல் குளம், எடையான பொருட்கள், ஊஞ்சல், வளர்ப்பு பிராணிகளுக்கான கூண்டுகள் போன்ற எதையும் வைக்கக் கூடாது.
9. மூங்கில், நாணல் போன்ற செடிகளை வீட்டிற்கு அருகில் வளர விடக் கூடாது.
10. வீட்டிற்குள்ளாகவோ அல்லது காம்பவுண்ட் சுவர்களின் மீதோ கொடிகளை படர விடக் கூடாது.
11. பால் வடியும் மரங்கள் அல்லது செடிகளை கண்டிப்பாக வீட்டு தோட்டத்தில் வளர்க்கக் கூடாது.
12. பருத்தி, புளி போன்ற செடிகளை வீட்டிற்குள் வளர்க்கக் கூடாது. இவைகள் தீய சக்திகளை வீட்டிற்குள் கொண்டு வரக் கூடியதாக கருதப்படுகிறது.
