கடந்த வாரம் பிக் பாஸ் நிகழ்ச்சியில் ரெட் கார்டு வாங்கிக் கொண்டு வெளியே சென்ற பிரதீப் வாழ்த்து பதிவு ஒன்றினை பதிவிட்டுள்ளார்.
இவர் வெளியிட்டுள்ள பதிவில், கமல்ஹாசன் நடித்த வசூல்ராஜா எம்பிபிஎஸ் என்ற திரைப்படத்தில் இடம்பெற்ற ஒரு காட்சியினை பதிவு செய்துள்ளார்.
இக்காட்சியில், ‘ இவரு எக்சிட் கொடுக்கிறாராம் எனக்கு, யாராவது வேணும்னு செய்வாங்களா, ஆனா நான் செய்வேன், அதான் நம்ம ஸ்டைலு’ என்று கமல் பேசும் வசனத்தின் காணொளியை பதிவு செய்ததோடு, ’நான் கமல்ஹாசன் அவர்களின் மிகப்பெரிய ஃபேன், சத்தியமா சொல்றேன்’ என்றும் தெரிவித்துள்ளது நக்கலின் உச்ச கட்டத்தை காட்டியுள்ளதாக தெரிகிறது.
மேலும் ‘நல்லாயிருங்க.. தீர விசாரிப்பதே மெய்’ என்றும் பதிவு செய்துள்ளது, கமல்ஹாசனின் தீர்ப்பை தவறு என சுட்டிக்காட்டி இருப்பதாக தெரிகிறது.
குறித்த பதிவை அவதானித்த ரசிகர்கள், அடுத்தடுத்து கருத்துக்களை குவித்து வருகின்றனர். இதுவரை தப்பு செய்தவர்களுக்கு கமல்ஹாசன் தான் குறும்படம் போட்டுள்ளார்.
