நிகழும் சித்திரை 21ம் தேதி சதுர்தசியில் நிகழும் நரசிம்மர் அவதரித்த நாளான நரசிம்ம ஜெயந்தியில் விரதமிருந்து நரசிம்மரை சேவிப்பது பல நன்மைகளை தரும்.
விஷ்ணு பெருமானின் 10 அவதாரங்களில் சிறப்பு மிக்க அவதாரம் நரசிம்ம அவதாரம். மற்ற அவதாரங்கள் முழுவதும் விலங்காகவோ அல்லது முழுவதும் மனிதனாகவோ மட்டுமே இருக்கும். சிங்கத்தின் தலையையும், மனிதனின் உடலையும் கொண்ட சிறப்புமிக்க அவதாரம் நரசிம்ம அவதாரம்.
நரசிம்ம அவதாரம்:
ஸ்ரீ விஷ்ணு பெருமானின் அவதாரத்தில் நான்காவது அவதாரம் நரசிம்ம அவதாரம். நான்கு யுகங்களில் முதல் யுகமான கிருத யுகத்திலே அநீதியை அழிக்க அவதரித்தவர் நரசிம்மர். தமிழ் மாதமான வைகாசியில் வளர்பிறை ப்ரதோஷம் ஸ்வாதி நட்சத்திரத்தில் அவதரித்தவர் நரசிம்மர்.
இரண்ய கசிபை கொன்று பிரகலாதனையும், மக்களையும், தேவர்களையும் காத்த மகா கடவுளான நரசிம்மரை அவர் அவதரித்த தினத்தில் விரதமிருந்து வழிபடுவது சகல சௌபாக்கியங்களையும் அருளும்.
