189
தசரா திரைப்படத்தின் ஓடிடி ரிலீஸ் தேதி அறிவிக்கப்பட்டு உள்ளது.
தசரா திரைப்படம் கடந்த மார்ச் 29-ந் தேதி தமிழ், தெலுங்கு, மலையாளம், இந்தி, கன்னடம் ஆகிய 5 மொழிகளில் பிரம்மாண்டமாக ரிலீஸ் செய்யப்பட்டது.
அதுமட்டுமின்றி வசூலிலும் தசரா திரைப்படம் பல்வேறு சாதனைகளை நிகழ்த்தியது. அதன்படி ரிலீசான ஒரே வாரத்தில் இப்படம் ரூ.100 கோடிக்கு மேல் வசூலித்து சாதனை படைத்தது. தசரா படத்தின் பிளாக்பஸ்டர் வெற்றியை கொண்டாடும் விதமாக அப்படத்தின் இயக்குனருக்கு பி.எம்.டபிள்யூ கார் ஒன்றை தயாரிப்பாளர் பரிசாக வழங்கினார்.
இப்படத்தின் ஓடிடி உரிமையை நெட்பிளிக்ஸ் நிறுவனம் கைப்பற்றி உள்ளது. அதன்படி இப்படம் வருகிற ஏப்ரல் 27-ந் தேதி ஓடிடியில் ரிலீசாகும் என படக்குழு அதிகாரப்பூர்வமாக அறிவித்துள்ளது.
