சட்டவிரோதமான முறையில் கடல் மார்க்கமாக கனடா செல்ல முயன்ற இலங்கையர்கள் 306 பேர் வியட்நாமில் மூழ்கிக் கொண்டிருந்த படகிற்கு நடுவே மீட்கப்பட்டு தற்போது வியட்நாமில் தங்கியுள்ளனர்.
இந்நிலையில், இவ்வாறு சென்றவர்களில் 76 பேர் யாழ்.மாவட்டத்தைச் சேர்ந்தவர்கள் எனவும், அவர்களில் 50 பேர் அரச உத்தியோகத்தர்கள் எனவும் தற்போது புதிய தகவல் ஒன்று வெளியாகியுள்ளது.
கடந்த 6ம் தேதி வியட்நாமின் தெற்கு கடற்கரையில் உள்ள வுங் டவு கேப்பில் இருந்து 258 கடல் மைல் தொலைவில் தென் சீனக் கடலில் கரை ஒதுங்கியது.
கப்பலின் என்ஜின் அறைக்குள் தண்ணீர் புகுந்ததால், அதில் இருந்தவர்கள் பதற்றத்தில் அலறினர்.
தகவல் கிடைத்ததும் சிங்கப்பூரில் இருந்து அதே கடல் வழியாகச் சென்ற ‘ஹீலியோஸ் லீடர்’ என்ற ஜப்பானிய சரக்குக் கப்பல் உடனடியாக இலங்கை அகதிகள் கப்பலை நோக்கி திருப்பி விடப்பட்டு 40 நிமிடங்களில் ஜப்பான் கப்பல் அகதிக் கப்பலை நெருங்கி 303 பேரையும் மீட்டது. கப்பலில் அவர்களை வியட்நாமிற்கு அழைத்துச் சென்றார்.
மீட்கப்பட்ட அனைத்து இலங்கையர்களையும் தாயகம் அழைத்து வருவதற்கான ஏற்பாடுகளை கொழும்பில் உள்ள வெளிவிவகார அமைச்சின் அதிகாரிகள் மேற்கொண்டுள்ளனர்.
எவ்வாறாயினும், பிடிபட்ட இலங்கையர்கள் மீண்டும் இலங்கைக்கு வரப்போவதில்லை என தெரிவித்துள்ள நிலையில், சட்டவிரோதமாக பயணம் செய்தவர்களில் 50 பேர் அரச அதிகாரிகள் என தெரிவிக்கப்படுகின்றமை குறிப்பிடத்தக்கது.
