நேர்மறையான கண்ணோட்டத்தை பெற மனதில் கொள்ள வேண்டிய மிக முக்கியமான விஷயங்களில் ஒன்று நல்ல மனிதர்களோடு பழகுவது. குறிப்பாக உங்களை சுற்றி பாசிட்டிவான மனிதர்கள் இருப்பது போன்று பார்த்து கொள்ளுங்கள்.
வாழ்க்கையில் நமக்கு பிடித்த மாதிரி வாழ வேண்டும் என்றால் நாம் மிகவும் பாசிட்டிவாக இருக்க வேண்டும். எல்லா நேரங்களிலும் நேர்மறையான எண்ணங்களோடு இருப்பது என்பது பலருக்கும் சாத்தியமில்லாத ஒன்றாக உள்ளது. ஆனால், பலர் எப்படியாவது பாசிட்டிவாக இருக்க வேண்டும் என்று ஏராளமான வழிகளை பின்பற்றி வருவார்கள். ஒருவர் பாசிட்டிவாக வாழ்ந்து வந்தால் வாழ்க்கையில் அதிக மகிழ்ச்சி கூடும். அதே போன்று நினைத்த காரியத்தை எளிதாக செய்து முடிக்க முடியும். தினமும் பாசிட்டிவாக வாழ்க்கையை கடக்க சில வழிமுறைகள் உண்டு. அவை என்னென்ன என்பதை இந்த பதிவில் விரிவாக பார்ப்போம்.
செயல்கள் :
வாழ்க்கையின் ஒவ்வொரு அம்சமும் நாம் செய்யும் செயல்களால் ஏற்படுகிறது. உங்கள் வாழ்க்கையில் நீங்கள் எதிர்பார்த்த பலன் கிடைக்கவில்லை என்றால் நீங்கள் சரியானவற்றை செய்யவில்லை என்று அர்த்தம். எனவே உங்கள் செயல்களைப் பற்றி அடிக்கடி சிந்தித்து பார்க்க வேண்டும். நீங்கள் செய்யும் செயல்கள் நேர்மறையானவையாக இருந்தால் நல்லதே நடக்கும்.
நல்ல மனிதர்கள் :
நேர்மறையான கண்ணோட்டத்தை பெற மனதில் கொள்ள வேண்டிய மிக முக்கியமான விஷயங்களில் ஒன்று நல்ல மனிதர்களோடு பழகுவது. குறிப்பாக உங்களை சுற்றி பாசிட்டிவான மனிதர்கள் இருப்பது போன்று பார்த்து கொள்ளுங்கள். எதிர்மறையான நபர்களுடன் நேரத்தை செலவிடும் போது, வாழ்க்கையை நோக்கிய நமது அணுகுமுறை எதிர்மறையாக மாறும். எனவே நேர்மறையான எண்ணங்கள் கொண்ட மனிதர்களுடன் பழகினால் நம்மை சுற்றி நல்லதே நடக்கும்.
நன்றி உணர்வு :
வாழ்க்கையில் நேர்மறையான அணுகுமுறையைப் பெற, நல்லவர்களிடம் இருந்து உங்களுக்கு ஆசீர்வாதம் கிடைக்க வேண்டும். அதாவது நன்றி உணர்வுடன் இருக்க கூடிய குணத்தை அவர்களிடம் இருந்து நீங்கள் பெற வேண்டும். எப்போதும் பிறரிடம் நன்றி உணர்வுடன் இருந்தால் உங்களின் வாழ்வும் பாசிட்டிவாக மாறும்.
உடற்பயிற்சி :
உடற்பயிற்சி ஆரோக்கியமான எடையை பராமரிக்க உதவுகிறது. இதன்மூலம் உடலில் நோய்கள் உருவாகாமல் தடுக்கிறது. முக்கியமாக உடலின் செயல்பாடுகள் நாள் முழுவதும் உங்கள் மனநிலையை மேம்படுத்துகிறது மற்றும் நேர்மறையான அணுகுமுறையை தருவதற்கு உதவுகிறது. இதற்கு நீங்கள் தினசரி உடற்பயிற்சி செய்து வருவது மிக அவசியமாகும். இத்துடன் மனநிம்மதிக்கு யோகா பயிற்சிகளையும் செய்து வரலாம்.
குறிக்கோள் :
வாழ்க்கையில் குறிக்கோள் வைத்திருப்பது என்பது நம்மை அதிக கவனத்துடன் செயல்பட வழி வகுக்கும். உங்கள் இலக்கை அடைய உங்கள் பயணத்தில் திறமையை வளர்க்க வேண்டும். அதே போன்று சின்ன சின்ன விஷயங்களைப் பற்றி புகார் செய்வதை நிறுத்த வேண்டும். குறிப்பாக உங்களின் விருப்பப்படி நடக்காத விஷயங்களைப் பற்றி கவலைப்படக்கூடாது. இது நம்மில் பலர் செய்ய தவறுகின்ற ஒன்றாகும். முடிந்த வரை உங்களின் வாழ்க்கையில் மற்றவர்களையும் மகிழ்ச்சிப்படுத்தி பாருங்கள். இதுவும் ஒரு வகையில் பாசிட்டிவான வாழ்வை தருவதற்கு உதவுகிறது.
